A osteopatía é unha metodoloxía de tratamento baseada nas terapias manuais. Fundamenta o seu traballo en valorar e corrixir as disfuncións de mobilidade que presenta o paciente. Fundaméntase no estudio da anatomía e fisioloxía do corpo humano e de como interveñen na producción da enfermidade. O obxectivo último é estimular a capacidade do corpo para recuperarse.
As técnicas de osteopatía agrúpanse en tres grandes campos: OSTEOPATIA ESTRUCTURAL, VISCERAL e CRANEAL. Conta con maior evidencia científica (resultados de eficacia positiva) no campo da osteopatía estructural e os resultados en visceral e craneal son moi limitados.
¿Cómo é unha sesión de osteopatía?
En Tambre Fisioterapia realizamos tratamentos de osteopatía combinados con fisioterapia. A nosa experiencia demóstranos que obtemos un maior beneficio para o paciente. O tratamento é sempre individual. Tras unha extensa e específica valoración identifícanse os problemas. O tratamento realízase mediante técnicas de fisioterapia e osteopatía. A maior parte do tratamento é manual pero compleméntase coas máis modernas técnicas de electroterapia e con programas de exercicio terapéutico persoalizados. Queremos aliviar e solucionar problemas na maior brevedade posible.
